Hochwasserschutz trifft Schnitzelbank
Zu Ehren vom Fasnachts-Donnerstag
Hochwasserschutz bruuch i ä kai,
bi jo nöd amä Gwässer Dihai.
Doch au ä Überschwemmig vomä Gwitter,
isch für dis Eigenheim ganz schön bitter.
Drum hämmer dir hüt än närrische Rot,
wie eifach das mitem Hochwasserschutz goht.
Und ohni s’Design vom Huus z versauä,
au mit Hochwasserschutz chasch schö bauä.
Muäsch eifach am Afang scho dra dänkä,
und dä Gfahrekartä biz Beachtig schenkä.
Gelb, Blau, Rot und Violett tuänd di warnä,
und zeiget, obs Wasser chunnt vo hinä oder vornä.
Entsprechend plansch denn dini Huususrichtig,
kei Öffnigä am falsche Ort - das isch wichtig.
Wennd s’Huus no biz erhöht chasch bauä,
sött sich s Wasser nöd bi dir im Keller stauä.
Drum lueg doch mol id Gfahre-Karte dri,
und gib dött dini Adress i.
Je farbiger dases isch,
desto stärker gföhrdet bisch.
Fallsd denn ä Schutzmassnahm söttisch ha,
lüütisch eifach dä Egli Engineering a.
Siit über 20 Johr sinds uf Naturgfahre spezialisiert,
und bim Hochwasserschutz sehr versiert.
Nur uf d’ Schutzmassnahm vorem Konfetti-Rägä,
wartet mer sit 20 Johr vergäbä.
I dem Sinn allnä Fasnächtler än schönä Schmudo!
